శ్రీ వెంకటేశ్వర స్వామి దేవస్థానంలో పూజా కార్యక్రమాలు నిర్వహించిన తెలంగాణ రాష్ట్ర ఎస్సీ, ఎస్టీ కమిషన్ చైర్మన్ మరియు సభ్యులు 

ప్రజాలహరి హాలియా: తెలంగాణ రాష్ట్ర ఎస్సీ, ఎస్టీ కమిషన్ చైర్మన్ బక్కి వెంకటయ్య గారు మరియు కమిషన్ సభ్యులు లక్ష్మీనారాయణ , రాంబాబు నాయక్ ,హాలియా మున్సిపాలిటీ పరిధిలోని స్థానిక 5వ వార్డులో కొలువై ఉన్న శ్రీ వెంకటేశ్వర స్వామి దేవస్థానాన్ని సందర్శించారు. ఈ సందర్భంగా ఆలయంలో ప్రత్యేక పూజా కార్యక్రమాలు నిర్వహించి, శ్రీ వెంకటేశ్వర స్వామి వారి ఆశీస్సులు పొందారు. అనంతరం ఆలయ అభివృద్ధి, భక్తులకు అందుతున్న సౌకర్యాలు తదితర అంశాలను పరిశీలించారు. ఈ కార్యక్రమంలో హాలియా మున్సిపాలిటీ వైస్ చైర్మన్ గౌని రాజా రమేష్ , 5వ వార్డు కౌన్సిలర్ సలహాదారు చిట్టిపోలు కరుణాసాగర్ , 2వ వార్డు కౌన్సిలర్ సలహాదారు నకరికంటి సైదులు , 6వ వార్డు కౌన్సిలర్ బొంగరాల యేసు రాజు , 9వ వార్డు కౌన్సిలర్ చెరుపల్లి ముత్యాలు , 12వ వార్డు కౌన్సిలర్ సలహాదారు ఎడవల్లి రంజిత్ , మున్సిపల్ అధికారులు, సిబ్బంది మరియు తదితరులు పాల్గొన్నారు. ఈ సందర్భంగా ఆలయ పూజారులు కమిషన్ చైర్మన్ మరియు సభ్యులకు ఆలయ ప్రసాదం అందించి ఆశీర్వదించారు.