ఢిల్లీ వరల్డ్ స్కూల్, మిర్యాలగూడలో ఘనంగా ఇన్వెస్టిచర్ సెరిమనీ
ప్రజాలహరి మిర్యాలగూడ: ఢిల్లీ వరల్డ్ స్కూల్, మిర్యాలగూడలో 2026–27 విద్యా సంవత్సరానికి సంబంధించిన ఇన్వెస్టిచర్ సెరిమనీ ఘనంగా, ఉత్సాహభరితంగా నిర్వహించారు. ఈ కార్యక్రమానికి ముఖ్య అతిథిగా మిర్యాలగూడ సర్కిల్ ఇన్‌స్పెక్టర్ ఆఫ్ పోలీస్ శ్రీ పి.ఎన్.డి. ప్రసాద్ హాజరయ్యారు. విద్యార్థుల మార్చ్‌పాస్ట్, బ్యాడ్జ్‌లు మరియు సాష్‌ల ప్రదానం, ప్రతిజ్ఞ స్వీకరణ, విద్యార్థి నాయకుల ప్రసంగాలు, సాంస్కృతిక కార్యక్రమాలు ఆకట్టుకున్నాయి. ముఖ్య అతిథి తన స్ఫూర్తిదాయకమైన ప్రసంగంతో విద్యార్థులను ఎంతగానో ప్రోత్సహించారు. నాయకత్వం అంటే బాధ్యత, క్రమశిక్షణ, నిజాయితీ, సేవాభావంతో ముందుకు నడిపించడం అని ఆయన సూచించారు. విద్యార్థి నాయకులకు ప్రత్యేకంగా శుభాకాంక్షలు తెలియజేస్తూ, తల్లిదండ్రులు, ఉపాధ్యాయులు, విద్యార్థులు మరియు పాఠశాల యాజమాన్యాన్ని అభినందించారు. కార్యక్రమంలో తల్లిదండ్రులు, ఉపాధ్యాయులు మరియు విద్యార్థులు పెద్ద సంఖ్యలో పాల్గొని కార్యక్రమాన్ని విజయవంతం చేశారు. విద్యార్థుల్లో నాయకత్వ లక్షణాలను పెంపొందించే దిశగా ఈ ఇన్వెస్టిచర్ సెరిమనీ ఒక విజయవంతమైన మరియు చిరస్మరణీయ కార్యక్రమంగా నిలిచింది.
