రానున్న వరంగల్-ఖమ్మం-నల్గొండ పట్టభద్రుల ఎన్నికలపై BRS ముఖ్య నాయకుల సమావేశం
ప్రజాలహరి హాలియా; హాలియా పట్టణంలో, పెద్దవూర మండల BRS పార్టీ ముఖ్య నాయకులతో నాగార్జునసాగర్ మాజీ శాసనసభ్యులు శ్రీ నోముల భగత్ కుమార్ సమావేశం నిర్వహించారు.ఈ సందర్భంగా మాజీ ఎమ్మెల్యే మాట్లాడుతూ…రానున్న వరంగల్-ఖమ్మం-నల్గొండ పట్టభద్రుల ఎమ్మెల్సీ ఎన్నికల్లో BRS పార్టీ ప్రతిష్టాత్మకంగా పోటీ చేస్తుందని, ఈ ఎన్నికలను ప్రతిష్టాత్మకంగా తీసుకోవాలని పిలుపునిచ్చారు.నవంబర్ 1,2026 నుండి అర్హత తేదీగా గ్రాడ్యుయేట్ ఓటర్ల నమోదు జరుగుతోంది. నవంబర్ 6 లోపు ప్రతి గ్రాడ్యుయేట్ ను ఓటరుగా నమోదు చేయించే బాధ్యత కోఆర్డినేటర్లు తీసుకోవాలి.కాంగ్రెస్ యూత్ డిక్లరేషన్ లో ఇచ్చిన 2 లక్షల ఉద్యోగాలు, రూ.4000 నిరుద్యోగ భృతి హామీలు నెరవేరలేదని, యువతలో తీవ్ర వ్యతిరేకత ఉందని, దీన్ని ఇంటింటికి తీసుకెళ్లాలని,బూత్ స్థాయి నుండి పార్టీ బలోపేతానికి ప్రతి కార్యకర్త సైనికుడిలా పనిచేయాలని సూచించారు.ఈ సమావేశంలో పెద్దవూర మండల BRS ముఖ్య నాయకులు పాల్గొన్నారు.
